يا كِثْرَهُمْ ويا
قِلَّتْهُم
يا كِثرةِ
النَّاسِ مِنْ حِواليكْ ... يا قِلَّةٍ تِلقاهِ جَنبكْ
إن جَاك الفَرَح يِقولوا لبِّيك .... ويوم
التَرَح تِبقى لِوحدكْ
وان يَبوا شي منَّك تَراهم جِواريك ... وان
طِحت يِصدّوا عنَّكْ
وان ضَاقْ شَخصٍ توٍّ يِناجيك ... وان فُرِّجت
يِقولَّك ما هو همَّكْ
وان صَدقْت تِلقاهم يِهبُّوا عليك ... وان
كذبْت يِهابوا منَّكْ
دومٍ بِوجه الحقْ تِغلِّق شِبابيك ...وعند
القِطيعة يِفشوا سرَّكْ
وان لِبست ثوب
الفَرح بْغصَّةٍ يهنِّيك... ويِطلق سِهام الحسدْ بِوسْط صَدْركْ
يا سَعْدهم بِكثر الكلام اللي يِئذيك ...
ويا حِزْنهم ان جاك الحظِّ صفَّكْ
يا صِغْر همَّك إن لقيت أحد يِداريك ... ويا
كِبْره مِن خرَّب أمرٍ يهمَّكْ
يا كِثرةِ النَّاس اللِّي تِبكِّيك ... يا
قِلَّةٍ تِقاتل لِدمعكْ
هذا طِفلٍ بِصيْحةٍ يِوعِّيك ... وهذا
كِبيرٍ يحفر لِقبْركْ
يا شِين صاحبٍ وَقت جَاهِ العِزْ يِجافيك
... بعد ما أعطيته كلِّ وقتكْ
وزودِن عليه تراه يذلِّ بِيك ... عِند الملا
ويِطعن بِضهركْ
وهذي روحك بِحرقةٍ تِرجِّيك ... تترك الدنيا
وتِطلع لِربِّكْ
وكثر ما ذِقت المر تِلاقيك ... تِعاني وتقول
يا قلبي صبركْ
ليست هناك تعليقات:
إرسال تعليق